Bugün daha bir nömrə yandı… “Aradığınız nömrə təyin edilməmişdir”… Ruhuna fatihə.
Bəzən tək qaldıqda, insanların diqqətindən məhrum olduqda, internetə çıxışım olmadıqda içimi qəribə hisslər bürüyür. Məhz belə anlarda özümü atılmış, tərk edilmiş insan kimi hiss edirəm. Nostalgiya başlayır. Düşüb aşağıdan özüm üçün adi vaxtlar heç içmədiyim, yalnız nostalgiya anlarında həmdəmim olan balaca şüşədə şotland viskisini alıram.
Ondan bir rumkaya tökürəm və ilk rumkanı sağlıqsız boşaldıram. “Aha, bax belə. 10 dəqiqə sonra dünyanın dərdi də gəlsə vecimə olmayacaq” Rumkanı ikinci dəfə doldurub qoyuram masanın üstünə. Alıram əlimə telefonumu. Burada xüsusi bir qovluq var. İllər öncə ünsiyyətdə olduğum müxtəlif insanların hərəsindən 1 SMS qoruyub saxladığım bir qovluq. Ünsiyyətdə olmadığım, ayrıldığım insanların nömrələrini telefon kitabçasından dərhal silirəm. Amma onların hər birindən bircə mesaj da varsa qoruyub saxlayıram indiyəcən.
Bu qovluğa- ölmüş nömrələr məzarlığı adını vermişəm. Bu nömrələrdən vaxtı ilə gecə demədən, gündüz demədən yüzlərlə, minlərlə, bəzisindən isə on minə yaxın sms almışam. Amma bugün həmin nömrələrin əksəriyyəti deaktivdir... Əlaqə bitdi, nömrələrin yaşamı da bitir. Hər bir ayrılıq özüylə bərabər Simkartlar üçün Ölüm Mələyini də gətirir...
Burada elə qəribə nömrələr var ki. Bax, məsələn bu nömrə. Hal-hazırda da işləyən nadir nömrələrdən biridir. Amma yiyəsi çoxdan “ölüb”. Nə zaman zəng vursam yiyəsi telefonu böyük maraqla açır, suallarıma həvəslə cavab verir, amma həmişə də sual-cavabın ortasında maraqla soruşur: bağışlayın, kimdir ki danışan? Mən həmişə bu sualdan sonra üzr istəyib zəngi qapadıram: 6 ay, 1 il sonra yenidən zəng vurub anonim səslə hal- əhval tutmaq üçün... “Bağışlayın, kimdir ki danışan?” sualına cavab vermək heç də asan iş deyil. Axı necə deyim ki, Mən o insanam ki, sən 2004-cü ilin bütün yayını mənim laylalarımla yuxuya getmisən. Necə deyim ki, mən o insanam ki, öz dediyinə görə “mənsiz 1cə gün də yaşaya bilməzdin”. Necə deyim ki, mən o insanam ki, səsimi hətta 50 il sonra belə tanıyacaqdın...
Başqa bir nömrəyə baxıram. Bu nömrədən düz 3 dənə mesajı qoruyub saxlamışam. Və bu 3 mesajın hər birini ayrı-ayrı insanlar yazıb. İlk dəfə bir qızın nömrəsi olub. Münasibətimiz bitib, nömrə də silinib gedib- həmin insanın xatirələri kimi. Qorunub qalan təkcə onun yazdığı ən dəyərli mesajı olub. Aylar, illər sonra o nömrəyə zəng vurduğumda nömrənin canlandığını və yeni sahibəsinin olduğunu görmüşəm. Köhnə sahibə haqda nə qədər sual versəm də, onu tanımayıb nömrənin yeni sahibi. Amma əvəzində, yeni sahibədə özümə qarşı maraq oyatmışam deyəsən. Çünki ondan gələn, eyni nömrədən 2ci adla qoruyub saxladığım mesaj bucürdür: “Samirəni həqiqətən tanımıram. Mən bu nömrəni dükandan almışam. İstəyirsən kağızını da göstərim ki, nömrə öz adımadır... (Mesajın ortasını yazmıram- müəllif) ...Odur ki, istəsən arada bir mesaj yaza bilərsən. Darıxandan-darıxana :) Nara” Bu mesajdan 2 il sonrakı tarixdə yenə o nömrədən, amma bu dəfə 3cü bir adla- Lenadan rusca aldığım mesaj: “Skuçayu...” Yəqin ki, deməyə ehtiyac yoxdur ki, Lenayla da Naranı soruşmaq üçün zəng vurduğumda tanış olmuşdum... Bugün o nömrəyə zəng vurdum. Nömrə yenə bağlıdır... 2-3 il sonra yenidən zəng vurduğumda yəqin hansısa Ayka götürəcək... Lənət şeytana. Mən bu üç qızın üçünə də "Mənim şirin Şeytankam" deyirdim. Onlar da elə bilirdilər ki, özlərinə görə, individual şəkildə əzizləmə mənasında Şeytanka demişəm. Daha bilməyiblər ki, səbəb özləri yox, müxtəlif vaxtlarda işlətdikləri bu nömrənin son üç rəqəminin 666 olması idi səbəb. (050 xxx-x6-66)
...Ərikmədən saydım. Bu qovluqda 132 sms var. Mesajlar ildən ilə çoxaldıqca Mənim də “vəfasızlıq çevrəm" böyüyür deməli. Çünki bu nömrələrin sahibləri- keçmiş qız dostlarım və ya girl-friendlərimlə ayrılığın tək səbəbkarı özüm olmuşam. Daha doğrusu, mənim kaprizlərim. Ayrılıq qərarını həmişə Mən vermişəm. Deməli, yeganə vəfasız insan mənəm.
Ona görə də, hal hazırda 132 smsdəki nömrələrə bir-bir zəng vurub, onlardan 106nı ölü nömrə gördükdə, yalnızca 26 nömrənin hələ də işlədiyini, amma sahibələrinin artıq səsimi tanımadıqlarını öyrənəndə kefim pozulmadı.
Mən bu cəzaya layiq idim. Vəfasızlara hər cəza caizdir!
Gəlin, bu ikinci və sonuncu badə viskini içək Mənim vəfasızlığımın və unutqanlığımın sağlığına!
Amma o unutqanlıq ki, bütün 132 mesajın hər birinin yazılma şəraitlərini bircə-bircə xatırlayır. Və o vəfasızlığın ki, hər zaman yalnızca bir devizi oldu: Heç kim unudulmur. Heç nə yaddan çıxmır...
Paylaşdığın üçün təşəkkür. Mən də bu yaxınlarda Anar`ın bir hekayəsini oxudum, o hekayənin də məzmunu hardasa bu yazıya bənzər idi.Mən, sən, o və telefon
____ BUYUR OĞUZ,XOŞDUR. BU ŞE'RİN MÜƏLLİFİ ŞAİRƏ AFAQ XANIM,MƏNİM RƏFİQƏMDİR. AFAQ XANIM BU ŞE'Rİ GŞB-(GƏNC ŞAİRLƏR BİRLİYİNDƏ) PAYLAŞDI. ORDA DA QEYD ETDİM Kİ,DOSTUM OĞUZTOĞRUL TAHİRLİNİN YAZDIĞI KİÇİK HEKAYƏSİNİ XATIRLADIM BU ŞE'Rİ OXUDUQDA. AFAQ XANIM BU SÖZÜMDƏN SONRA, BELƏ BİR SUAL VERDİ MƏNƏ:HANSI GƏNC YAZARLARIN YAZDIQLARINI OXUYURSAN? ELƏ BİLDİ Kİ,SƏN YAZARSAN =))))
HƏ OĞUZ,OXUMUŞAM O HEKAYƏNİ.SONLUĞU BİR AZ QAPALI ŞƏKİLDƏ BİTMƏSİNƏ BAXMAYARAQ,ÇOX MARAQLI HEKAYƏDİR. ____
Sənin nömrən öldü bu gün! Qəribədir amma yaman... Nömrələr ölə bilirmiş! Çoxdan bəri ilk dəfəydi güldüm bu gün göz yaşları arasından... Ruhlar da gülə bilirmiş! Öldü daha sənlə bağlı hər bir tarix, hər bir rəqəm. Amma nə qəm... Saymayacam bundan belə günləri mən, anları mən. Ayıracam gözlərimi saatlardan, təqvimlərdən. Necə də tez gəldik sona... Çox sağ ol ki, sənə görə nifrət etdim bu günahsız telefona!
____ NƏDƏNSƏ BU ŞE'Rİ OXUDUQDA, BU YAZDIĞIN KİÇİK HEKAYE YADIMA DÜŞDÜ OĞUZ.... BURA YAZMAĞIMI İSTƏDİM.TAM MÖVZÜYA UYĞUN BİR ŞER.____
_____ BIRCƏ ONU DEYƏ BİLƏRƏM Kİ, NƏ QƏDƏRLƏ AZ İNSANLA MÜNASİBƏTDƏ OLSAN BİR O QƏDƏR YAXŞIDIR. AZACıQ AŞIM,AĞRIMAZ BAŞIM.)))
HEMiŞƏ MƏNƏ QƏRİBƏ GƏLƏN BU OLUB.İNSAN ÖZ SEVİNCİNİ ÇOX ASANLIQLA UNUDUR. KƏDƏRİNİ İSƏ, ELE QORUYUB SAXLAYIR Kİ SANKİ, KİMSƏ ONU ONDAN ALACAQMIŞ KİMİ BERK-BERK YAPIŞIR, İKİ ƏLLƏ. YERLERIN SƏHF DÜŞDÜYÜNÜ İSƏ ,HAQQSIZLIQLA UNUDURUQ...._____
Ondan bir rumkaya tökürəm və ilk rumkanı sağlıqsız boşaldıram. Gəlin, bu ikinci və sonuncu badə viskini içək Mənim vəfasızlığımın və unutqanlığımın sağlığına!
Bir badə də qaldırağın Oğuztoğrulun səmimiliyinin sağlığına! O səmimilik ki, bütün işlərini, qızlarla mesajlaşmalarını, 3 qıza eyni ifadəylə müraciət etməklərini, nə qədər qız dostlarına qarşı münasibətlətini ifadə edə biləcək cümlələr yazmağa imkan verdi!
Qaldırağın badələri Oğuztoğrulun sağlığına! Amma qaldırdığımız badələrdə viski olmasın ( siz Oğuza bənd olmayın ) Su olsun! Ona görə ki, həm bütün qızlar da içə bilsin, həm də oğlanlar da ( Ramazan ayıdı axı ) Oğuz, sənin sağlığıva! Sağ ol ! ! ! ! ! ! ! ! ! ! ! ! ! ! ! ! !
--------------------
Yarada bildiklərimin ən gözəlini Mən yaradıram! Mən yaratdığımdan daha gözəlini isə ancaq ALLAH yarada bilər!!! Financer_001
Mənim üçün yazının möhtəşəmliyi yox,səmimi yazılmasıdır...Yazıda səmimilik hiss etdim və elə hisslər keçirdim ki,elə bil mən yaşamışam bunları.Səmimi yazı idi.Bəyəndim.
--------------------
Real həyatda hamı - "sevdiyim,istədiyim var:)" Virtualda - " Tənhayam,istədiyim yoxdu :(( Sevgi nədi? mənim elə şeylərdən xəbərim yoxdu" Guya da
Saytda verilmış xəbər və yazılan şərhlərə görə Mix.aZ administrasiyası məsuliyyət daşımır! AzNET-də ilk dəfə Www.mix.aZ saytında: DLE scriptinin tərcüməsi(10-X-2006),şərhlərdə TAM unicode dəstəyi (10-III-2007) mp3
Ana səhifə
)
Musiqi və yazdığın şərh də düşündürdü 
